मध्य भोटेकोशी जलविद्युत कम्पनी Madhya Bhotekohi Jalavidhyut Company Limited ले निष्काशन गरेको आईपिओ आज (पुस ४) बाँडफांड हुने भएको छ। बिक्रि प्रबन्धक ग्लोबल आईएमई क्यापिटलले बुधबार दिउँसो ३ बजे धुम्बाराहीको स्मार्ट क्याफेमा शेयर बाँडफांड हुने जनाएको छ।
कम्पनीले कार्तिक २८ गतेदेखि मंसिर १४ गतेसम्म संचयकर्ताको लागि र मंसिर १९ गतेदेखि २६ गतेसम्म संस्थापक शेयरधनी संस्थाका कर्मचारीहरु तथा संचय कोषका कमर्चारीको लागि शेयर निष्काशन गरेको थियो ।
कम्पनीले संचयकर्ताको लागि १ करोड १७ लाख कित्ता शेयर निष्काशन गरेको हो । यसमा कम्तीमा ५० कित्तादेखि ५ सय कित्तासम्मका लागि आवेदन गर्न सक्ने ब्यबस्था थियो । यस समुहमा १ लाख ३९ हजार ७ सय ७८ जना योग्य आवेदक रहेको क्यापिटलले जनाएको छ। जस अनुसार न्युनतम ५० कित्ताको लागि आवेदन दिनेले ५० नै कित्ता पाउने छन् । अधिकतम कित्ताको लागि आवेदन दिनेले ९० कित्ताको हाराहारीमा शेयर पाउन सक्ने आंकलन गरिएको छ । ५० कित्ताको लागि मात्र आवेदन दिनेको संख्या एकिन नभएकोले यो आंकलन तल माथि पर्न सक्ने छन् ।
त्यस्तै कम्पनीले संस्थापक शेयरधनी संस्थाका कर्मचारीहरुको लागि २१ लाख कित्ता शेयर निष्काशन गरेको थियो । यस समुहमा ५० कित्तादेखि ५ सय कित्तासम्मका लागि आवेदन गर्न पाउने प्रावधान थियो । जसमा ८ हजार ४ सय ३९ योग्य आवेदक रहेको क्यापिटलले जनाएको छ । यसमा न्युनतम ५० कित्ताको लागि आवेदन दिनेले माग अनुसार कै शेयर पाउने छन् ।
त्यस्तै कम्पनीले कर्मचारी संचय कोषका कर्मचारीको लागि ६ लाख कित्ता शेयर निष्काशन गरेको थियो । यस समुहमा ५० कित्तादेखि १२ सय कित्तासम्मका लागि आवेदन गर्न पाउने प्रावधान थियो । जस अनुसार ६ सय १२ योग्य आवेदक रहेको क्यापिटलले जनाएको छ । यसमा अधिकांश आवेदकले माग अनुसार कै शेयर पाउने देखिएको छ ।
नतिजा बिजपाटी डटकममा
आइपीओ बाँडफांड पश्चात नतिजा बिजपाटी डटकममा प्रकाशित हुनेछ।
बिजपाटि डटकमको मेनुबारमा रहेको आइपीओ रिजल्ट (IPO) मा क्लिक गरेर नतिजा हेर्न सक्नु हुनेछ । तपाईले Check Your IPO Result भन्ने देख्नुहुन्छ। त्यहाँ 'मध्य भोटेकोशी जलविद्युत कम्पनी' भन्ने शिर्षक छ। आफुलाई चाहिने शिर्षक छनौट गर्नुहोस। तपाईले आफ्नो नाम मात्र राखेर पनि नतिजा हेर्न सक्नुहुन्छ।
