नेपाल कै पहिलो खुलामुखी सामुहिक लगानी कोषको इकाईहरु आज जेठ १९ बाट बिक्रि खुला भएको छ। एनआईबिएल एस क्यापिटलले एनआईबिएल सहभागिता फण्डको नामबाट पहिलो पटक खुलामुखी योजना ल्याएको हो । क्यापिटलले २० करोड रुपैयाँ बराबरको २ करोड इकाई बिक्रीमा ल्याएको हो ।
दुई करोड इकाईमध्ये बिज पूँजी वापत १० लाख इकाई योजना व्यवस्थापक एनआईबिएल एस क्यापिटल र ६५ लाख इकाई कोष प्रवद्र्धक नेपाल इन्भेष्टमेन्ट बैंकलाई सुरक्षित राखिएको छ । बाँकि एक करोड २५ लाख इकाईको लागि सर्वसाधारणले आवेदन दिन सक्ने छन्।
लगानीकर्ताले प्रति इकाई १० रुपैयाँ दरले न्यूनतम १०० इकाईको र अधिकतम २ लाख ५० हजार इकाईका लागि आवेदन गर्न सकिन्छ। यस निष्काशनमा आवेदन दिनको लागि छिटोमा जेठ २२ गतेसम्मको मिति तोकिएको छ । सो समयसम्ममा आवश्यक माग नपरेको खण्डमा असार १६ गतेसम्म आवेदन दिन सकिने छन् ।
यस निष्काशनमा सम्पूर्ण सि आश्वा सदस्यस्ता प्राप्त बैंक तथा वित्तीय संस्था र मेरो शेयरबाट पनि अनलाईन मार्फत पनि आवेदन गर्न सकिनेछ ।
यो पनि :
