सरकारले दुई वटा रेल किन्नका लागी बजेट स्वीकृत गरेको छ । जी टु जी प्रकृयाबाट रेल किन्न सरकारले ८४ करोड ६५ लाख रुपैयाँ छुट्याएको हो । सरकारले भारतीय सरकारी कम्पनी कोकान रेलवेयस कर्पोरेसन लिमिटेडमार्फत २ वटा डीईएमयू रेल किन्नका लागि रेल विभागलाई स्वीकृति दिएको हो ।
चैत ४ गते बसेको मन्त्रिपरिषद बैठकको निर्णय सुनाउँदै सरकारका प्रवक्ता एवम् सूचना तथा सञ्चार प्रविधिमन्त्री गोकुल बास्कोटाले रेल किन्नको लागी विभागलाई स्वीकृती दिएको जानकारी दिए ।
