जंगली जनावर भगाउन हानेको गोली लागेर डोटीमा एक जनाको मत्यु भएको छ । आदर्श गाउँपालिका–५ लामीखाल तल्लो ढाडावनका ५० वर्षीय जङ्गे भुलले राति १०ः४५ मा चलाएको गोली लागेर सोही ठाउँका १९ वर्षीया तपेश लुहारको घटनास्थलमै मृत्यु भएको हो ।
डोटीका प्रहरी नायव उपरीक्षक लालबहादुर धामीका अनुसार तपेशको टाउकोमा गोली लागेको थियो । खेतमा लगाएको बाली जंगली जनावरले खाएपछि स्थानीयले बन्दुक पड्काएर धपाउँदै आएका थिए ।
