आइसिसी विश्व टी–२० क्रिकेटअन्तर्गत एशिया छनोटमा नेपालले लगातार चौथो जित निकालेको छ । भुटानलाई ११७ रनले पराजित गर्दै नेपालले प्रतियोगितामा अपराजित यात्रा कायम राखेको हो ।
टस हारेर पहिले ब्याटिंग गरेको नेपालले निर्धारित २० ओभरमा ४ विकेटको क्षतिमा १५० रन जोडेको थियो । नेपालको लागि प्रदिप ऐरीले सर्बाधिक नत आउट ७५ रन जोडे । त्यस्तै अनिल शाहले २७, आरिफ शेखले १३, दिपेन्द्र सिंह ऐरीले १५ रन तथा करण केसीले नट आउट ११ रन जोडे । बिंडो भण्डारी भने शुन्य मै आउट भएका थिए ।
१५१ रनको बिजयी लक्ष्य लिएर मैदान उत्रेको भुटान १६.४ ओभरमा अल आउट हुदै ३३ रन मात्र जोड्न सक्यो । भुटानलाई सस्तैमा समेट्ने क्रममा ललित राजबंशी र सन्दिप लामिछानेले समान ३-३ विकेट लिए भने बसन्त रेग्मीले २ तथा शरद भेषवाकर र दिपेन्द्र ऐरीले समान १-१ विकेट लिए ।
अब नेपालले सिंगापुर र चीनसंग खेल्न बाँकि छ ।