आइसिसी विश्व क्रिकेट लिग च्याम्पियनसिप अन्तर्गत केन्याविरूद्धको खेलको लागि अन्तिम १९ जना खेलाडीको सुची सार्बजनिक भएको छ । यस अघि सुपर लिगबाट छानिएका २४ खेलाडीको सुचीबाट अन्तिम १९ खेलाडी छानिएको हो ।
आइसिसिको प्रतिनिधि भेनकटपपति राजु, कप्तान पारस खड्का र प्रशिक्षक जगत टमाटा सम्मिलित छनौट समितिले अन्तिम १९ खेलाडी छनौट गरेको हो । केन्या बिरुद्दको खेल आगामी फागुन २८ र ३० गते कीर्तिपुरमा हुनेछ ।
हेर्नुस को को परे?
- पारस खड्का, कप्तान
- ज्ञानेन्द्र मल्ल, उपकप्तान
- आरिफ शेख,
- दिलिप नाथ
- मेहबुब आलम
- करण केसी
- आसिफ सेख
- सागर पुन
- भुवन कार्की
- सरद भेषवाकर,
- शक्ति गौचन,
- अभिनास कर्ण
- सोमपाल कामी
- सुनिल धमला
- दीपेन्द्र सिंह ऐरी
- बसन्त रेग्मी
- राजेश पुलामी मगर
- बिनोद भण्डारी
- सन्दिप लामिछाने
छनौट भएको खेलाडीको टोली अभ्यासको लागि शुक्रबार भारत जादै छ । नेपाली टोलीले दिल्लीस्थित नोयडामा तीन वटा अभ्यास खेल खेल्नेछ। कप्तान पारस भने भारत जाने छैनन् । उनी हालै मात्र एपेन्डिक्सको सल्यक्रियापछि आराम गरिरहेका छन् । भारत भम्रणबाट फागुन २० मा टोली स्वदेश फर्किने छ।
टोली भारतबाट फर्के पछि केन्या विरुद्ध खेल्ने टिमको अन्तिम टुंगो लाग्ने छ ।
