नेपाल कम्युनिस्ट पार्टी (नेकपा) को सचिवालय बैठकले अग्नि सापकोटालाई सभामुख बनाउने निर्णय गरेको छ । आइतबार साँझ बसेको बैठकले सापकोटालाई सभामुखको उम्मेदवार बनाउने निर्णय गरेको हो ।
यस अघि आज बिहान पार्टीका अध्यक्षद्धय केपी शर्मा ओली (प्रधानमन्त्री) र पुष्पकमल दाहाल प्रचण्डबीच अग्नि सापकोटालाई सभामुख बनाउने सहमति भएको थियो । सोहि सहमतिलाई सचिवालय बैठकले अनुमोदन गरेको हो । सापकोटा सिन्धुपाल्चोकबाट प्रत्यक्ष निर्वाचित सांसद हुन् ।
सभामुखमा सहमति नहुँदा यसअघि पटक पटक सुचना टाँस गरेर संसद बैठक स्थगित हुदै आए । संसद बैठक भोली ६ गते बोलाईएको छ ।