सेनाले चीनबाट खरिद गरेको स्वास्थ्य सामग्री काठमाडौँ आइपुगेको छ । सेनाले तेस्रो पटक हवाई जहाजमार्फत बिहीबार बिहान सामान ल्याईपुर्याएको हो । स्वास्थ्य सामग्री लिएर नेपाल वायुसेवा निगमको वाइडबडी जहाज बिहीबार बिहान ८ः५५ बजे त्रिभुवन विमानस्थलमा अवतरण गरेको हो ।
चीनको गोन्जाउबाट निगमको जहाजले १४ हजार ८२० केजी (करिब १५ टन) स्वास्थ्य सामग्री ल्याएको हो ।
सेनाले पहिलो लटमा तातोपानी नाका हुँदै करिब ८ टन सामग्री ल्याएको थियो भने दोस्रो लटमा जहाजबाट १८.९ टन सामग्री ल्याएको थियो । बाँकी सामग्री भने स्थलमार्गबाटै आउने सेनाले जनाएको छ । सेनाले दुई अर्ब २६ करोडमा चीनबाट ६७ थरी २४३ टन स्वास्थ्य सामग्री खरिद गरेको थियो ।
