आज शुक्रबार थप ११८ जनामा कोरोना पुष्टि भएको छ । स्वास्थ्य तथा जनसंख्या मन्त्रलायका अनुसार पछिल्लो २४ घण्टामा थप ११८ जना संक्रमित भेटिएसँगै नेपालमा कोरोना संक्रमितको संख्या १६ हजार ६ सय ४९ पुगेको छ । पछिल्लो २४ घण्टामा ४ हजार ८ सय ६ जनाको पीसीआर परीक्षण गरिएको छ ।
मन्त्रालयका अनुसार हालसम्म ८ हजार ११ जना संक्रमित निको भएर डिस्चार्ज भएका छन् । पछिल्लो २४ घण्टामा १२० जना डिस्चार्ज भएका छन् । हालसम्म कोरोनाका कारण ३५ जनाको मृत्यु भएको छ ।
