पछिल्लो समय उपत्यकामा कोरोना संक्रमण ह्वात्तै बढेको छ । संक्रमित बढ्दै गएसंगै सरकारले उपत्यकामा प्रवेश गर्नेहरुलाई प्रवेश नाकाबाट स्वाब संकलन सुरु गरेको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका अनुसार पछिल्लो समयमा उपत्यका प्रवेश गर्ने ३ नाकाबाट १० हजार सात सय ५३ जनाको स्वाब संकलन गरीएको छ । उक्त स्वाब परीक्षण गर्दा जम्मा ४० जनालाई कोरोना संक्रमण भेटिएको मन्त्रालयले जानकारी दिएको छ ।
उपत्यकामा पछिल्लो २४ घण्टामा ६२ जना कोरोनाका संक्रमित फेला परेका छन् भने देशभर २९५ जना संक्रमित भेटिएका छन् ।