मेरियट इन्टरनेशनलले भारतमा आफ्नो चेनको १५० औ होटेल खोलेको छ। कम्पनीले मे २ तारिखमा भारतको जम्मु कश्मिरको कत्रामा 'कत्रा मेरियट रिसोर्ट एण्ड स्पा' संचालनमा ल्याएको हो।
सन् १९९९ मा पहिलो होटेल खोलेको मेरियटले २५ वर्ष मै १५० औ होटेल खोल्न सफल भएको हो। मेरियटले आफ्नो पहिलो होटेल गोवामा 'गोवा मेरियट रिसोर्ट एण्ड स्पा'को नामबाट खोलेको थियो।
टाइम्स अफ इन्डियाका अनुसार मेरियटले भारतमा अबको ३ देखि ४ वर्ष भित्र थप ८३ वटा होटेल खोल्ने योजना बनाएको छ। जस मध्ये १० वटा सन् २०२४ मै खोलि सक्ने कम्पनीको योजना छ। हाल भारतमा मेरियट अन्तर्गत ब्राण्डका होटेलमा कुल २८ हजार कोठा रहेकोमा थप ८३ वटा होटेल खोलेपछि कोठाको संख्या ४० हजार पुग्ने बताईएको छ । मेरियटले आध्यात्मिक पर्यटनलाई बढावा दिदै अयोध्यामा पनि होटेल खोल्ने तयारी गरेको छ । सन् २०२५ सम्म २५० होटेल खोल्ने कम्पनीको योजना छ।
मेरियटले भारतमा १७ वटा विभिन्न ब्राण्डमा होटेल संचालन गरिरहेको छ । हाल मेरियटले भारतमा ३० हजार जनालाई प्रत्यक्ष रोजगारी दिएको छ ।
मेरियट अमेरिकी होटेल चेन हो। भारतमा मेरियटले तिब्र गतिमा व्यवसाय विस्तार गरिरहेको छ।