अष्ट्रेलिया कतारमा हुने विश्वकपमा छनौट भएको छ । मंगलबार भएको प्ले अफ खेलमा पेरुलाई पेनाल्टीमा पराजित गर्दै अष्ट्रेलियाले विश्वकपमा स्थान पक्का गरेको हो ।
निर्धारित ९० मिनेटको खेल बराबरी भएपछि पेनाल्टी मार्फत बिजेता छनौट गरिएको हो । पेनाल्टीमा ५-४ गोल अन्तरले अष्ट्रेलिया विश्वकपमा छनौट भएको हो । अब अष्ट्रेलिया विश्वकपको समुह डि मा रहने छ । उक्त समुहमा अष्ट्रेलियासंगै फ्रान्स , डेनमार्क , र ट्युनिसिया रहेका छन् । विश्वकपमा यो अष्ट्रेलियाको छैठौ सहभागिता हुने छ । तर हालसम्म अष्ट्रेलिया समुह चरणभन्दा माथि जान सकेको छैन ।
यस संगै अब विश्वकपमा छनौट हुने ३२ मध्ये ३१ टोलीको टुंगो लागेको छ । थप १ टिमको आज लाग्ने छ । आज राति नेपाली समय अनुसार ११:४५ बजे सुरु हुने कोस्टारिका र न्युजिल्यान्डबीचको विजेताले बाँकि रहेको अन्तिम स्थान हात पार्ने छ । यो खेलको बिजेता विश्वकपमा छनौट हुने अन्तिम तथा ३२ औ टिम बन्ने छ ।
विश्वकपको मुख्य प्रतियोगिता २१ नोभेम्बर २०२२ देखि १८ डिसेम्बर २०२२ सम्म कतारमा हुने छ। अरब देशमा पहिलो पटक विश्वकप हुन लागेकोहो भने एसियामा विश्वकप हुन लागेको यो दोस्रो पटक हो । साथै जाडोयाममा विश्वकप हुन लागेको यो पहिलो पटक हो । कतारको तापक्रमलाई मध्य नजर गर्दै जाडोयाममा विश्वकप हुन लागेको हो ।
कुन देश कुन समुहमा ?
समूह ‘ए’ :
कतार
नेदरल्यान्ड
सेनेगल
इक्वेडर
समूह ‘बी’ :
इङ्ल्यान्ड
अमेरिका
इरान
वेल्स
समूह ‘सी’ :
अर्जेन्टिना
मेक्सिको
पोल्याण्ड
साउदी अरेबिया
समूह ‘डी’ :
फ्रान्स
डेनमार्क
ट्यूनिसिया
अष्ट्रेलिया
समूह ‘ई’ :
स्पेन
जर्मनी
जापान
कोष्टारिका/न्यूजिल्याण्ड
समूह ‘एफ’ :
बेल्जियम
क्यानडा
क्रोएसिया
मोरक्को
समूह ‘जी’ :
ब्राजिल
स्वीटजरल्यान्ड
सर्बिया
क्यामरून
समूह ‘एच’ :
पोर्चुगल
उरुग्वे
दक्षिण कोरिया
घाना