नेपालमा विद्युतीय बाइक उत्पादन गरेको 'यात्री' टिमसँग प्रधानमन्त्री कार्यालयले छलफल गरेको छ । प्रधानमन्त्री पुष्पकमल दाहाल प्रचण्डको सचिवालयका अनुसार आज ‘यात्री’ विद्युतीय सवारी उत्पादन गर्न अग्रसर रहेको युवा टीमसँग प्रधानमन्त्री कार्यालयले छलफल गरेको हो ।
भोली सरोकारवाला सबै निकायको बैठक बोलाइएको छ । भोलीको बैठकमा युवा उद्यमशीलतालाई अझै प्रश्रय गर्न कानुनी तथा अन्य विषयमा थप छलफल हुने प्रधानमन्त्री कार्यालयले जनाएको छ ।
प्रधानमन्त्रीले आज बिहान मात्र सवारी साधन दर्ता एवं स्वदेशी उत्पादनलाई प्रवर्धन गर्नेगरि तत्काल कानुनी प्रबन्धको प्रक्रिया अगाडि बढाउन नेपाल सरकारका मुख्यसचिवमार्फत् सम्बन्धित निकायलाई निर्देशित गरेको जनाएका थिए ।
नेपाल मै उत्पादन भएको यात्री बाइकलाई सरकारले नम्बर प्लेट दिन नसक्ने जनाएपछि उत्पादकहरु विदेशिने तयारीमा रहेक छन् ।
यो पनि : नेपालमै बनेका विद्युतीय मोटरसाइकलले नम्बर प्लेट नपाएपछि ‘यात्री’का उत्पादक विदेशिने तयारीमा
