आफ्नो व्यवसायिक कारोबार थालेको १८ बर्षको अवधिमा बहुउदेश्यीय सहकारीले ठुलो फड्को मारेको छ। बहुउदेश्यीय सहकारीले २९ लाख १४ हजारको पुंजीबाट सुरु गरेको व्यवसाय १९ औ वार्षिकोत्सव मनाउदासम्म १९ करोड ३४ लाख पुर्याएको छ।
राजधानीमा बुधबार वार्षिक साधारण सभा सम्पन्न हुँदा यसबारे जानकारी दिइएको हो । कार्यक्रमका प्रमुख अतिथि पूर्व अर्थमन्त्री एवं एमाले नेता सुरेन्द्र पाण्डेले सरकारले सहकारी संस्थाहरुलाई व्यवस्थित गर्नको लागि सहकारी नीति बनाउँदा विज्ञहरुलाई समेट्नु पर्ने बताए।