सरकारले बजेट आकार घटाएको छ । अर्थ मन्त्रालयले चालु आर्थिक वर्षको बजेटको मध्यावधि समीक्षा गर्दै बजेटको आकार १ खर्ब ३० अर्बले घटाएको हो ।
जस अनुसार अर्थ मन्त्रालयले यस वर्ष १३ खर्ब ४४ अर्ब ६८ करोड रुपैयाँ खर्च हुने सम्शोधित अनुमान गरेको छ । यो कुल विनियोजित रकमको ९१.१९ प्रतिशत हो । यो निर्वाचन र कोभिड खोपमा हुने खर्च समेत जोडेर हो ।
संशोधित अनुमान अनुसार चालू खर्च ९ खर्ब १४ अर्ब, पूँजीगत खर्च २ खर्ब ८३ अर्ब र वित्तीय व्यवस्थातर्फ १ खर्ब ४६ अर्ब रुपैयाँ विनियोजन गरिएको छ ।मन्त्रालयले राजस्व र आन्तरिक ऋणमार्फत १० खर्ब ७४ अर्ब, विदेशी अनुदानबाट ३५ अर्ब, वैदेशिक ऋणतर्फ २ खर्ब ३५ अर्ब उठाइने लक्ष्य राखेको छ ।
सरकारले १४ खर्ब ७४ अर्बको बजेट ल्याएकोमा त्यसलाई संशोधन गरेर १३ खर्ब ४४ अर्ब कायम गरेको हो ।
