सरकारले गाडी, मोटरसाइकल, मोबाइल र मदिराको आयात प्रतिबन्ध फुकुवा गरेको छ ।
मंगलबारको मन्त्रिपरिषद बैठकले पौष १ गतेदेखि लागू हुनेगरी यी बस्तुको आयात प्रतिबन्ध फुकुवा गरेको हो ।
उद्योग, वाणिज्य तथा आपूर्तिमन्त्री दिलेन्द्रप्रसाद बडूका अनुसार मुख्यसचिवको संयोजकत्वमा गठित अध्ययन कमिटीले आयातमा गरिएको बन्देज खुलाउन गरेको सिफारिस अनुसार आयात प्रतिबन्ध फुकुवा गरिएको हो ।
विदेशी मुद्राको सञ्चिति घटेको भन्दै सरकारले वैशाखदेखि १० प्रकारका वस्तुको आयात प्रतिबन्ध लगाएको थियो । तीमध्ये भदौमा ६ प्रकारका वस्तुको आयात प्रतिबन्ध खुलाइएको थियो ।
अब सबै खाले निजी प्रयाजनका ४ पांग्रे सवारीसाधन, १५० सीसीमाथिका मोटरसाइकल, तयारी मदिरा र ३ सय डलरमाथिका मोबाइल फोनको आयात खुला हुनेछ ।