विश्व बैंकले नेपाललाई १२० मिलियन डलर अनुदान दिने भएको छ। विश्व बैंकको शुक्रबार बसेको बोर्ड बैठकले नेपाललाई १२० मिलियन डलर अनुदान दिने निर्णय गरेको हो । यो नेपाली रुपैयाँमा १५ अर्ब ८४ करोड ४५ लाख बराबरको हुन आउँछ ।
विश्व बैंकले दिएको यो रकम विद्यालय क्षेत्र सुधार कार्यक्रममा खर्च हुने छ । विद्यालय क्षेत्र सुधार कार्यक्रमअन्तर्गत भौतिक संरचना निर्माण, मर्मत र शिक्षकको क्षमता विकास लगायतका कार्यक्रम छन्।
