नेकपा
एमालेले चितवनका सातै पालिकामा उम्मेदवारीको टुंगो लगाएको छ । सातमध्ये चर्चामा रहेको
भरतपुरको उम्मेदवारका रूपमा बिजय सुवेदीको नाम पहिल्यै टुंगो लागिसकेको थियो भने बाँकीको
टुंगो आइतवार लगाएको हो ।
भरतपुर
र माडी नगरपालिकामा भने उपमेयरको टुंगो अझै लागिसकेको छैन । त्यसका लागि छलफल भइरहेको
छ ।
भरतपुरको
मेयरमा बिजय सुवेदीसँगै राप्ती नगरपालिकाको मेयरमा गोविन्द कँडेल र उपमेयरमा मेनुका
पाठकलाई उठाउने निर्णय एमालेले गरेको छ । त्यसैगरी खैरहनीमा अहिलेकै मेयर लालमणि चौधरी
दोहोरिने छन् भने कविता उप्रेती उपमेयर लड्ने भएकी हुन् । रत्ननगरमा विमला दुवाडी मेयर
र यादव पाठक उपमेयर उठ्ने भएका छन् ।
माडी
नगरपालिकाको मेयरमा ताराकाजी महतोको नाम टुंगो लागिसकेको छ भने उपमेयरको टुंगो अझै
लाग्न बाँकी छ । कालिका नगरपालिकामा विनोद रेग्मी मेयरमा र विमला लामा उपमेयरमा उठ्ने
भएका छन् ।
त्यस्तै
इच्छाकामना गाउँपालिकामा दानबहादुर गुरुङ अध्यक्ष र माया सिलवाल उपाध्यक्ष उठ्ने भएका
छन् ।