.gif)
भरतपुर महानगरपालिकाको मेयरमा बागी उम्मेदवारी दिएका नेता जगन्नाथ
पौडेलले उम्मेदवारी फिर्ता लिन नमानेपछि कांग्रेसबाट स्वतः निष्कासित भएका छन् ।
कांग्रेस विधानको दफा ४ को १३ को ग अनुसार पौडेलसहित उनका
प्रस्तावक कृष्णलाल सापकोटा र समर्थक मीना खरेल कांग्रेसबाट निष्कासित भएका हुन् ।
पौडेलले आज पाँच बजे तोकिएको निर्धारित समयभित्र आफ्नो
उम्मेदवारी फिर्ता नलिएका हुन् । उनको उम्मेदवारी फिर्ता गराउन गृहमन्त्री बालकृष्ण
खाँण र राज्यमन्त्री उमेश श्रेष्ठ भरतपुर नै पुगेर प्रयास थालेका थिए ।
सत्ता गठबन्धनको निर्णयअनुसार भरतपुरको मेयरमा निवर्तमान
मेयर रेणु दाहाललाई टिकट दिने सहमति भएको थियो । हसिया हथौडामा भोट नहाल्ने भन्दै
पौडेलले बागी उम्मेदवारी दिएका हुन् ।
कांग्रेसले आजै एक विज्ञप्ति जारी गर्दै निर्धारित समयभित्र
उम्मेदवारी नलिने उम्मेदवारलाई साधारण सदस्यसमेत नरहने गरी कारवाही गरिने चेतावनी
दिएको थियो ।
.gif)
