.gif)
आगामी वैशाख ३० गते हुने स्थानीय तह निर्वाचनमा सबैभन्दा धेरै महिला उम्मेदवार उठाउने पार्टीमा नेकपा एमाले अघि देखिएको छ ।
निर्वाचन आयोगका अनुसार एमालेले नगरपालिका प्रमुखमा २७ र गाउँपालिका अध्यक्षमा २८ जनासहित ५५ महिलालाई उम्मेदवार बनाएको छ । एमालेले २ सय ६० जनालाई नगरपालिको उपप्रमुख र ४ सय १० जनालाई गाउँपालिका उपाध्यक्षको उम्मेदवार बनाएको छ ।
माओवादी केन्द्रले १८ महिलालाई नगर प्रमुख र २९ महिलालाई गाउँपालिका अध्यक्षसहित ४७ जनालाई उम्मेदवार बनाएको छ ।
राष्ट्रिय प्रजातन्त्र पार्टीले २७ जना महिलालाई प्रमुख र ४२ जनालाई अध्यक्षमा उठाएको छ ।
एकीकृत समाजवादीले नगर प्रमुखमा २३ जना महिलालाई उम्मेदवार बनाउँदा १२ जना महिलालाई अध्यक्षमा उठाएको छ ।
नेपाली कांग्रेसले १९ जनालाई मात्रै नगरपालिकाको प्रमुख तथा गाउँपालिका अध्यक्षको उम्मेदवार बनाएको छ ।
जनता समाजवादी पार्टीले १५ जना महिलालाई प्रमुख र १० जना महिलालाई अध्यक्षको उम्मेदवार बनाएको छ ।
.gif)
