काठमाडौँ महानगरपालिकाको मतगणनामा स्वतन्त्र उम्मेदवार बालेन शाहको अग्रता कायम नै छ । लौरो चिह्न लिएर निर्वाचनमा होमिएका शाहले अहिलेसम्म ७ सय ६८ मत पाएका छन् ।
उनको निकटम प्रतिद्वन्द्वीका रूपमा एमालेका केशव स्थापितले ५५० मत पाएका छन् भने कांग्रेसकी सिर्जना सिंह ४२१ मतले तेस्रो स्थानमा छन् । हाल काठमाडौँ महानगरको वडा नम्बर १,२,३, ४ र ३२ को मत गणना भईरहेको छ । यो मतपरिणाम भने वडा नम्बर १ को ७१० , वडा नम्बर २ को ४८० , वडा नम्बर ३ को २०० , वडा नम्बर ४ को २०० र वडा नम्बर ३२ को ७०० को मत गणना गर्दाको हो । मुख्य निर्वाचन अधिकृतको कार्यालयले शनिवार साँझ ६:४५ बजे आधिकारिक रुपमा पहिलो अपडेट दिएकोमा अहिलेको अपडेट भने दोस्रो आधिकारिक अपडेट हो, जुन १०:४५ बजे दिईएको हो । स्वतन्त्र उम्मेदवार भएपनि बालेनले एमाले र कांग्रेसबाट भोट तानिरहेका छन् ।
मुख्य निर्वाचन अधिकृतको कार्यालयका अनुसार वडा नम्बर १ को ७१० , वडा नम्बर २ को ४८० , वडा नम्बर ३ को २०० , वडा नम्बर ४ को २०० र वडा नम्बर ३२ को ७०० को मत गणना गर्दा सुर्यमा ५५० , रुखमा ४२१ , तराजुमा १६, हलोमा १०५, खड्गमा ४, तीरमा ३, साँचोमा १, किताबमा १, मकैको घोगामा १, पुतलीमा १, लैरोमा ७६८ , आँखीझ्यालमा १०४ मत आएको छ ।