.gif)
मुलुककै ठूलो कालीगण्डकी 'ए' जलविद्युत् आयोजना मर्मतको लागि दयाम खोलिने भएको छ । बिहीबार राति ९ बजेदेखि चार दिनसम्म ड्याम खोलिने आयोजनाले जनाएको छ।
ड्याम खोलिने भएकोले ड्यामदेखि पावर हाउससम्मका क्षेत्रमा बसोबास गर्दै आएका बासिन्दालाई सचेत रहन आयोजनाले आग्रह गरेको छ । आयोजनाले स्याङ्जा, पाल्पा र गुल्मीका ६ वटा स्थानीय तहका बासिन्दालाई सचेत रहन आग्रह गरेको हो । आयोजनाका अनुसार स्याङ्जाको कालिगण्डकी, पाल्पाका तानसेन र बगनासकाली तथा गुल्मीका कालिण्डकी, सत्यवती र रुरु गाउपालिकाका वासिन्दालाई सतर्क रहन आग्रह गरिएको हो ।
आयोजनाका अनुसार आज बेलुकी ९ बजेदेखि १२ गते सोमबार बिहान १० बजेसम्म उत्पादन बन्द गरेर आयोजना मर्मत गरिने छ । यसका कारण कोहरपुरदेखि दुहवीसम्मका १ सय ३३, ६६ र ३३ केभी सबस्टेशनबाट औद्योगिक फिडरमार्फत बिजुली आपूर्ति हुने क्षेत्रमा बिजुली अनियमित हुनसक्ने आयोजनाले जनाएको छ ।
कालीगण्डकी परियोजनाको क्षमता १ सय ४४ मेगावाट छ।
.gif)
