.gif)
नेपाल विद्युत प्राधिकरणका कार्यकारी निर्देशक कुलमान घिसिङले माथिल्लो तामाकोशी आयोजनाको पहिलो युनिटबाट २०२० को डिसेम्बरमा विद्युत उत्पादन लक्ष्य राखिएको बताएका छन् । प्राधिकरणको वार्षिक प्रतिवेदन पेश गर्दै उनले पहिलो युनिटबाट २०२० को डिसेम्बरमा र सबै ६ वटा युनिटबाट फेब्रुअरी २०२१ सम्ममा विद्युत उत्पादन गरिसक्ने लक्ष्य रहेको बताएका हुन् ।
उनले ४५६ मेगावाटको आयोजनाको चुनौतिको रूपमा रहेको ३६७ मिटरको तल्लो र ३०५ मिटरको माथिल्लो भर्टिकल साफ्ट २ जुलाई २०२० मा सम्पन्न भएको जनाएका छन्।
साथै माथिल्लो तामाकोशी जलविद्युत कम्पनीबाट इन्जिनियरीङ प्रोक्यूरमेन्ट र कन्ट्रक्सन (Engineering, Procurement & Construction) पद्दतिमा २२ मेगावाटको रोलवालिङ खोला जलविद्युत आयोजना निमार्ण गर्न प्राप्त बोलपत्रहरूको मूल्याङकन गर्ने कार्य भइरहेको बताएका छन् ।
.gif)
