.gif)
सरकारले नेपाल विद्युत प्राधिकरणको नेतृत्व उपकार्यकरी निर्देशक हितेन्द्रदेव शाक्यलाई दिने तयारी गरेको छ । हाल प्राधिकरण कै सहायक कम्पनी ‘एनईए इञ्जिनियरिङ कम्पनी’मा काजमा रहेका शाक्यलाई प्राधिकरणमा फिर्ता बोलाएर नेतृत्व सुम्पिने तयारी सरकारले गरेको हो ।
शुक्रबार बसेको प्राधिकरणको संचालक समितिको बैठकमा प्राधिकरणका अध्यक्ष तथा उर्जा मन्त्री वर्षमान पुनले शाक्यलाई काजबाट फिर्ता बोलाई प्राधिकरण मै हाजिरी गराउन निर्देशन दिएका थिए । स्रोतका अनुसार प्राधिकरणको केन्द्रीय कार्यालयमा उपस्थित भएपछि उनी सबैभन्दा उच्च बरियताका उपकार्यकारी निर्देशक बन्ने छन्। उनी फिर्ता भएपछि उनी भन्दा तल्लो बरियतामा रहेकालाई प्राधिकरणको नेतृत्व दिन नमिल्ने भएकोले शाक्यले नै नेतृत्व पाउने भएका हुन् ।
कार्यकारी निर्देशक कुलमान घिसिङले अवकाश पाएपछि प्राधिकरणको केन्द्रीय कार्यालयमा रहेका उप कार्यकारी निर्देशक मध्ये सबै भन्दा माथिल्लो बरियताका लेखनाथ कोइरालालाई निमित्त कार्यकारी निर्देशकको जिम्मेवारी दिईएको थियो । कोइराला र शाक्य दुवै १२ औ बरियताका उपकार्यकारी निर्देशक हुन् । तर बरियताको हिसाबमा शाक्य अगाडी छन् । सोहि कारण शाक्य केन्द्रीय कार्यालयमा आएपछि उनले नै निमित्त पाउने स्रोतको भनाई छ।
निमित्तपछि उनलाई नै उपकार्यकारी निर्देशकको जिम्मेवारी दिने तयारी सरकारले गरेको स्रोत बताउछ । शाक्यले सार्वजनिक रुप मै प्राधिकरण भित्र बाट नै कार्यकारी निर्देशक नियुक्त भएको खण्डमा आफ्नो पनि दाबी रहने बताएका थिए ।
.gif)
