.gif)
तल्लो इन्द्रावती हाइड्रोपावर परियोजनाको लाईसेन्स नेशनल हाइड्रोपावर कम्पनी लिमिटेडले पाएको छ । सबै प्रक्रिया पुरा गरेपछि विद्युत विकास विभागका महानिर्देशक सन्दिप कुमार देवले आज नेशनल हाइड्रोपावरका अध्यक्ष कुमार पाण्डेलाई लाईसेन्स प्रदान गरेका हुन् ।
सबै भन्दा बढी रकम कबुल गरेको नेशनलले नै लाईसेन्स पाएको हो । यस आयोजनाको लागि विभागले प्राविधिक रुपमा योग्य देखिएका नेशनल हाइड्रोपावर कम्पनी लिमिटेड, वाइबा एण्ड लामा, आरएम इन्भेष्टमेनट कम्पनी, र लोवर इर्खुवा हाइड्रोपावरलाई आर्थिक प्रस्ताव पेश गर्न भनेको थियो । जसमा नेशनल हाइड्रोले नेपाल सरकारलाई सबैभन्दा बढी रकम बुझाउने कबुल गरेको थियो ।
खुला बिडिंग मार्फत आब्हान गरिएकोमा तल्लो इन्द्रावती हाइड्रोपावर परियोजना निर्माणको लागि यी ४ संस्था प्राविधिक रुपमा योग्य ठहरिएका थिए । जसबाट नेशनलले लाइसेन्स पाएको हो । तल्लो इन्द्रावती हाइड्रोपावर परियोजना ४ दशमलव ५ मेगावाटको परियोजना हो। नेशनलले लाईसेन्स पाएसंगै उसको ६५ करोड रुपैयाँ ‘राइट ब्याक’ हुने छ र कम्पनी लाभांश वितरण गर्न सक्ने अवस्थामा पुग्ने छ।
.gif)
