युरो २०२० मा स्वीडेनले पहिलो जित निकालेको छ । आज साँझ भएको खेलमा स्लोभाकियालाई १–० गोल अन्तरले पराजित गर्दै स्वीडेनले पहिलो जित निकालेको हो ।
समूह ‘ई’ अन्तर्गत रुसमा भएको खेलको पहिलो हाफ गोलरहित बराबरीमा रोकिएको भएपनि ७७औं मिनेटमा स्लोभाकियाका गोलकिपर मार्टिन डुब्राभ्काले रोबिन क्याएसेनमाथि पेनाल्टी एरियामा फाउल गरेपछि स्वीडेनले पेनाल्टी पाएको थियो । एमिल फोर्सबर्गले पेनाल्टीमार्फत गरेको गोल नै स्वीडेनका लागि जितका लागि पर्याप्त भएको हो ।
आजको जितसँगै दुई खेलबाट ४ अंक जोडेको स्वीडेनले नकआउट चरणमा प्रवेशको सम्भावना बलियो बनाएको छ ।
स्वीडेन पहिलो खेलमा स्पेनसँग गोलरहित बराबरीमा रोकिएको थियो ।