दशैँको अवसरमा सशस्त्र प्रहरी बल (एपीएफ) ले निशुल्क बस सेवा संचालन गर्ने भएको छ । एपीएफले गत वर्षहरुमा जस्तै यस वर्ष पनि निशुल्क बस सेवा संचालन गर्न लागेको हो।
एपीएफले असोज २८ गते नवमी र असोज २९ गते दशमीको दिन बस सेवा संचालन गर्ने भएको हो । बस सेवा बिहान १० बजेदेखि बेलुका ५ बजेसम्म संचालन हुने छ ।
एपीएफले काठमाडौँका २ वटा रुटमा बस संचालन गर्न लागेको हो । पहिलो रुट एपीएफ प्रधान कार्यालय हल्चोकदेखि बनस्थली, बसुन्धरा, चाबहिल, कोटेश्वर , सत्दोबरो , कलंकी हुदै हलचोकसम्म नै चल्ने छ । त्यस्तै दोस्रो रुटमा हलचोकदेखि स्वयम्भु चोक, कलंकी, सातदोबाटो, कोटेश्वर, चाबहिल, बनस्थली हुदै हलचोकसम्म रहेको छ । अर्थात् एपीएफले चक्रपथमा निशुल्क बस सेवा संचालन गर्न लागेको हो ।