.gif)
नेपाल उद्योग वाणिज्य महासंघका अध्यक्ष शेखर गोल्छाले राष्ट्र बैंकको ४/१२ को नीतिले सरकारले ठूलो राजश्व गुमाएको बताएका छन् । काठमाडौँमा आयोजित 'अर्थतन्त्रका चुनौती तथा समाधानका उपाय' विषयक अन्तरक्रिया कार्यक्रममा उनले नियमनका नाममा ४/१२ को नीति एकाएक ल्याउँदा क्यापिटल मार्केटमा सेन्टिमेन्ट नै गलत पर्न गएको र गलत समयमा यस्तो नीति आउँदा लगानीकर्ताको मनोबल कमजोर भई सरकारले ठूलो मात्रामा राजस्व गुमाएको बताएका हुन्।
भूकम्प पछि बजेटको आकार बढाएर क्षमता भन्दा दोब्बर स्पिडमा नेपालको अर्थतन्त्र दौडाउँदा अहिले लगानीको लागि पैसा नै नभएको उनले उल्लेख गरे । उनले भने 'क्षमता ४० को स्पिडको थियो होला, हाम्रो स्पिड दोब्बर भयो । अर्थतन्त्र दोब्बर स्पिडमा कुदेपछि रेगुलेटरले झ्याप्प ब्रेक हान्यो, एकाएक झ्याप्प ब्रेक लाग्दा त्यस्तो अर्थतन्त्र नामक सवारीमा यात्रा गरिरहेको निजी क्षेत्रका कसैको टाउको फुट्यो, कसैको हात भाँचियो' ।
त्यस्तै उनले अहिले लघुवित्त र सहकारी गम्भीर समस्यामा रहेको उल्लेख गरे । अर्थतन्त्रको चक्र घुमाउन महत्त्वपूर्ण योगदान दिने साना वित्तीय संस्थाहरु समस्यामा पर्दा अर्थतन्त्र चलायमान हुन नसक्ने अवस्था रहेको उनले बताए । तरलता तलसम्म प्रवाह हुने गरि संरचनागत सुधार भए मात्रै अर्थतन्त्र ठिकठाक हुन सक्ने उनले बताए ।
अर्थतन्त्र शिथिल अवस्थामा हुँदा चालूपुँजी कर्जा सम्बन्धि निर्देशिका ल्याईएकोलेपनि अर्थतन्त्रमा समस्या आएको उनको भनाई थियो ।
.gif)
