काठमाडौं महानगरपालिकाले दरबारमार्ग क्षेत्रको सडक किनारमा पार्किङ निषेध गरेपछि व्यवसायीले विरोध प्रदर्शन गरेका छन् । दरबारमार्ग विकास बोर्डको आयोजनामा व्यवसायीहरुले आज एक घण्टा सटर बन्द गरेर विरोध प्रदर्शन गरेका हुन्।
व्यवसायीले आज अपराह्न साढे ४ बजेदेखि साढे ५ बजेसम्म सो क्षेत्रका सम्पूर्ण सटर बन्द गरेर काठमाडौं महानगरपालिकाको निर्णयको विरोध गरेका हुन्। पार्किङ निषेध गर्दा चहलपहल घटेर दरबारमार्ग सुनसान भएको र कारोबारमा पनि कमी भएको व्यवसायीहरुको गुनासो छ ।
विरोध प्रदर्शनको क्रममा व्यवसायीहरुले काठमाडौँ महानगरका मेयर बालेन्द्र शाह विरोधी नारा समेत लगाएका छन् ।