.gif)
बुधबार नेपाल स्टक एक्सचेन्ज नेप्सेको कारोबार प्रणालीमा समस्या देखिएको छ। बुधबारको कारोबारमा नेप्सेको नयाँ तथा पुराना दुवै वेबसाइटले गलत तथ्यांक देखाईरहेका छन् ।
नेप्सेको वेबसाइटले नेपाल इन्फ्रास्ट्रकचर बैंक निफ्राको शेयर मूल्य १ सय प्रतिशतले घटेको देखाएको छ । जबकी कुनै एक दिन एउटा कम्पनीको शेयर मूल्य १० प्रतिशत भन्दा धेरैले घटबढ हुन पाउदैन ।
नेप्सेको वेबसाइटमा धेरै गुमाउने कम्पनीको सुचिमा पहिलो नम्बरमा निफ्रा रहेको छ जसको शेयर मूल्य १ सय प्रतिशतले घटेको देखाईएको छ । त्यस्तै टिएमएसमा पनि निफ्राको शेयर ५९४ रुपियाँले घटेर शुन्यको मूल्यमा कारोबार भएको देखाएको छ । निफ्राको शेयरको गलत तथ्यांकले समग्र सूचक नै गलत देखाएको हुन सक्ने कतिपय लगानीकर्ताको अनुमान छ ।
नेप्सेले भने यो समाचार तयार पार्दासम्म निफ्राको शेयर मूल्य के कारण यस्तो भएको हो भन्ने बारे लगानीकर्तालाई केहि पनि जानकारी दिएको छैन । तर नेप्सेले टिएमएसबाट निफ्राको कारोबार हुन नसक्ने गरी कम्पनीको नाम हटाएको छ । यसो हुँदा बिक्रि वा खरिद अर्डर हाल्न मिलेको छैन । यसको पनि जानकारी लगानीकर्ताले आधिकारिक रुपमा पाएका छैनन् । निफ्रा किन हटाईयो भन्नेबारे समेत नेप्सेले जानकारी दिएको छैन ।
नेप्सेले सहि सूचना नदिँदा लगानीकर्ता अलमलमा परेका छन् ।
