.gif)
सानिमा लाइफ इन्स्योरेन्स Sanima Life Insurance Company ले निष्काशन गरेको आइपिओ शनिवार बाँडफाँड हुने भएको छ । बिक्रि प्रबन्धक प्रभु क्यापिटलले शनिवार बिहान ११ बजे शेयर बांडफांड गर्ने भएको हो । सानिमा लाइफ इन्स्योरेन्सको केन्द्रिय कार्यालयमा शेयर बाँडफांड हुने क्यापिटलले जनाएको छ ।
कम्पनीको आईपिओम ६.८४ गुणा बढीको आवेदन परेको छ। आवेदन दिने अन्तिम दिनसम्ममा २४ लाख १९ हजार १ सय २७ जना आवेदकबाट ३ करोड ६९ लाख ४३ हजार ४ सय ४० कित्ताको लागि आवेदन परेको छ। माग भन्दा बढीको आवेदन परकोले कम्पनीको आईपिओ गोलाप्रथाबाट बाँडफांड हुने छ । कम्पनीको आईपिओ १० कित्ताको दरले ५ लाख ४० हजार जनाले मात्र पाउने छन् । यस हिसाबमा १८ लाख जना बढी आवेदक हात खाली हुने देखिन्छ । यद्यपि यो आवेदन भेरिफाई हुनु भन्दा अगाडीको तथ्यांक भएकोले यसमा केहि तलमाथि हुन सक्ने छ ।
कम्पनीले श्रावण २० गतेबाट ६० लाख कित्ता आईपिओ निष्काशन गरेको हो । निष्काशन गरिएको ६० लाख कित्ता मध्ये सामुहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५४ लाख कित्ता शेयरको लागि सर्वसाधारणले आवेदन दिएका हुन् ।
.gif)
