.gif)
सीवाईसी नेपाल लघुवित्तले निष्काशन गरेको आईपिओमा आवेदन दिने आज बैशाख ६ गते अन्तिम दिन रहेको छ । कम्पनीले बैशाख २ गतेदेखि आईपिओ निष्काशन गरेको हो ।
कम्पनीले प्रतिकित्ता १ सय रुपैयाँ अङ्कित ३ करोड ९५ लाख ३३ हजार ६ सय रुपैयाँ बराबरका ३ लाख ९५ हजार ३३६ कित्ता साधारण शेयर निष्कासन तथा बिक्री खुला गरेको हो । कुल निष्कासनमध्ये ५ प्रतिशत अर्थात १९ हजार ७६६ कित्ता शेयर सामूहिक लगानी कोष र जारी पुँजीको ०.५ प्रतिशत अर्थात ६ हजार ८२ कित्ता कर्मचारीलाई सुरक्षित गरिएको छ । बाँकी रहेको ३ लाख ६९ हजार ४८८ कित्ताका लागि सर्वसाधारणले आवेदन दिन सक्नेछन् ।
सर्वसाधारणले न्यूनतम १० कित्तादेखि अधिकतम १ हजार कित्ता शेयर खरिदका लागि आवेदन दिन सक्ने जनाईएको छ । कम्पनीको निष्कासन तथा बिक्री प्रबन्धकमा ग्लोबल आईएमई क्यापिटल रहेको छ ।
कम्पनीको आईपिओमा सोमबार साँझ ५ बजेसम्ममा माग भन्दा ५७.२६ गुणा बढीको आवेदन परेको छ। सोमबार साँझ ५ बजेसम्ममा १८ लाख ६३ हजार ७ सय ९४ जनाले भरे शेयर भरेका छन् ।
.gif)
