.gif)
एनआईसी एसिया क्यापिटल NIC Asia Capital ले जेठ १९ गते देखि एनआईसी एसिया फ्लेक्सी क्याप फण्ड नामको सामुहिक लगानी कोष योजनाको इकाईहरु निष्काशन गर्ने भएको छ। यो योजना १ अर्ब आकारको बन्दमुखी प्रकृतिको योजना हो ।
क्यापिटलले योजनाको प्रति इकाई १० रुपैयाँ अंकित दरका १० करोड इकाई निष्काशन गर्न लागेको हो । जस मध्ये बिज पुँजी वापत न्युनतम १ करोड ५० लाख कित्ता वा कुल बिक्रि भएको इकाईको १५ प्रतिशत इकाई कोष प्रबर्दक एनआईसी एसिया बैंकको लागि सुरक्षित गरिएको छ । बाँकि रहेको न्युनतम ८ करोड ५० लाख इकाईको लागि सर्बसाधारणले आवेदन दिन सक्ने छन् ।
यस निष्काशनमा न्यूनतम १०० इकाई र अधिकतम १ करोड इकैईको लागि आवेदन दिन सकिने छ । यस निष्काशनमा छिटोमा जेठ २४ गतेसम्म र सो अवधिसम्ममा पूर्ण आवेदन नपरेमा ढिलोमा असार २ गतेसम्म आवेदन दिन सकिने छ ।
यो योजना एनआइसी एसिया म्युचुअल फण्ड अन्तर्गत संचालन हुने छ । यो ७ वर्षे अवधिको योजना हो ।
यो योजना अन्तर्गत संकलित अधिकांश रकम धितोपत्रको दोस्रो बजारमा सुचिकृत कम्पनीहरुमा लगानी गरिने कम्पनीले उल्लेख गरेको छ । लगानी गर्दा स्मल क्याप, मिड क्याप, तथा लार्ज क्याप मध्ये जुनमा क्यापमा राम्रो प्रतिफल प्राप्त गर्न सकिन्छ, त्यसमै लगानी गर्ने क्यापिटलले जनाएको छ ।
हाल क्यापिटलले एनआईसी एसिया ग्रोथ फण्ड, एनआइसी एसिया ब्यालेन्स फण्ड, एनआईसी एसिया सेलेक्ट ३० (इन्डेक्स फण्ड) र डाईनामिक डेब्ट फण्ड नामक म्युचुअल फण्ड गरि ४ वटा योजना संचालन गरिरहको छ । जस मध्ये डाईनामिक डेब्ट फण्ड खुलामुखी योजना हो । अहिले निष्काशन गर्न लागेको योजना कम्पनीको ५ औ योजना हो ।
.gif)
