.gif)
स्टार माइक्रो इन्स्योरेन्स कम्पनी लिमिटेडले साधारणसभा आह्वान गरेको छ । कम्पनीले फागुन २७ गते आइतबार काठमाडौँको दरबारमार्ग स्थित आफ्नै प्रादेशिक कार्यालयमा सभा आह्वान गरेको हो ।
सभामा अध्यक्षको प्रतिवेदन पारित गर्ने, वित्तीय विवरणहरु पारित गर्ने, संचालक समिति गठन गर्ने, संचालक सेवा सुविधा निर्धारण गर्ने, स्वतन्त्र संचालक चयन गर्ने , सर्वसधारणलाई आईपीओ निष्काशन गर्ने, प्रबन्धपत्र र नियमावलीमा आवश्यक संशोधन गर्ने लगायतका प्रस्ताव पेश हुने छन् ।
यस्ता छन् कम्पनीको सभामा पेश हुने प्रस्तावहरु ।
सामान्य प्रस्ताव
क) संचालक समितिको तर्फबाट अध्यक्षद्वारा प्रस्तुत आ.व. २०७९ / ०८० को प्रथम वार्षिक प्रतिवेदन उपर छलफल गरि पारित गर्ने सम्बन्धमा ।
ख) लेखापरीक्षकको प्रतिवेदन सहित २०८० असार मसान्त (आ.व. २०७९ / ०८०) को वासलात, नाफा नोक्सान हिसाब तथा नगद प्रवाह विवरण र सोसँग सम्बन्धित अनुसूचीहरु सहितको वित्तीय विवरण उपर छलफल गरि पारित गर्ने सम्बन्धमा ।
ग) कम्पनी ऐन, २०६३ को दफा १११ बमोजिम आ.व. २०८०/८१ को लेखापरीक्षण गर्न लेखापरीक्षक नियुक्ति गर्ने र निजको पारिश्रमिक निर्धारण गर्ने सम्बन्धमा ।
घ) संचालक समिति निर्वाचन (गठन) गर्ने सम्बन्धमा ।
ङ) कम्पनीको संचालक समितिले सिफारिस गरेको स्वतन्त्र संचालक नियुक्ति गर्ने सम्बन्धमा
। च) संचालक समितिको बैठक भत्ता सम्बन्धमा ।
विशेष प्रस्तावः
क) नियमावलीको नियम २९ (२) संसोधन गर्ने सम्बन्धमा ।
ख) सर्वसाधारणमा शेयर निस्काशन गर्ने सम्बन्धमा ।
ग) प्रबन्धपत्र तथा नियमावलीमा नियमनकारी निकायबाट कुनै फेर-बदल, थप-घट वा संसोधनको लागि निर्देशन भइ आएमा सोही बमोजिम गर्न गराउन संचालक समितिलाई अख्तियारी दिने सम्बन्धमा ।
.gif)
