.gif)
नेशनल हाइड्रोपावर कम्पनी लिमिटेडले तेस्रो पटक साधारणसभाको लागि नयाँ मिति प्रस्ताव गरेको छ। पहिलो र दोस्रो पटक साधारणसभा आह्वान गर्दा गणपुरक संख्या नपुगेपछि कम्पनीले तेस्रो पटक साधारणसभा आह्वान गरेको हो।
कम्पनीले फागुन ३० गते काठमाडौँको बालुवाटार स्थित डेलिश ओपेरा रेश्ट्रोमा सभा आह्वान गरेको छ । साधारणसभा बिहान ११ बजेको लागि तय भएको छ।
कम्पनीले सुरुमा मङ्सिर २२ मा साधारणसभा आह्वान गरेको थियो । तर सो दिन उक्त सभा सञ्चालन गर्नको लागि गणपुरक संख्या कम्पनीको नियमावलीको नियम १६ ( ख ) र कम्पनी ऐन २०६३ को दफा ७३ (२) बमोजिम उपस्थित शेयरधनीहरूको गुणपुरक संख्या नपुगी स्थगित भएको थियो ।
कम्पनीले त्यसपछि पुस ६ गते साधारणसभा आह्वान गरेको थियो । पुस ६ गते पनि साधारणसभा गर्नको लागि सभा सञ्चालन गर्नको लागि गणपुरक कम्पनी ऐन २०६३ को दफा ७३ (३) बमोजिम २५ प्रतिशत गणपुरक संख्या पनि साधारणसभा स्थगित भएको थियो।
२ पटक गणपुरक संख्या नपुगेर साधारणसभा स्थगित भएपछि कम्पनीले कम्पनी रजिष्ट्रार कार्यालयलाई पत्राचार गरेको थियो । कम्पनी रजिष्ट्रारको कार्यालयले शेयरधनीहरूलाई प्रयाप्त सूचना दिई न्यूनतम २५ प्रतिशत गणपुरक संख्या पुऱ्याई यथासिघ्र साधारणसभा सम्पन्न गरी कम्पनी अध्यावधिक गर्न फागुन ९ मा कम्पनीलाई निर्देशन दिएको छ। सोहि अनुसार कम्पनीले फागुन ३० गते साधारणसभा आह्वान गरेको हो ।
हाइड्रो कम्पनीमा लकिङ अवधि समाप्त हुना साथ् संस्थापक शेयरधनीहरु शेयर बेचेर बाहिरिने प्रवृति बढेपनि संस्थागत सुशासन कमजोर भएका हाइड्रोलाई साधारणसभा गर्न २५ प्रतिशत शेयरधनी जुटाउन पनि हम्मे हम्मे पर्ने गरेको छ ।
.gif)
