साताको दोस्रो दिन सोमबार बजार परिसूचक नेप्से दोहोरो अंकले घटेको छ । अघिल्लो दिनको तुलनामा कारोबार रकम पनि घटेको छ ।
सोमबारको कारोबारमा नेप्से १६.४७ अंकले घटेर १५१४.८८ को बिन्दुमा पुगेर रोकिएको छ । आज कारोबारमा आएका सबै सूचक घटेका छन् । यस दिन १ सय ३७ कम्पनीका ६ लाख ८९ हजार कित्ता सेयर किनबेचबाट ५६ करोड बराबरको कारोबार भएको छ ।
सोमबारको कारोबारमा सबै भन्दा बढी एभरेष्ट बैंकको १६ करोड ४२ लाख रुपैयाँको कारोबार भएको छ। एभरेष्ट बैंकको बुक क्लोज मिति नजिकिदै गर्दा एभरेस्टमा लगानीकर्ता आकर्षण बढेको हो । एभरेस्टले पुस २३ गते साधारणसभाका बोलाएको छ र त्यसका लागि पुस ६ गते सेयरधनी दर्ता किताब बन्द हुने जनाएको छ । पुस ५ गतेसम्म शेयर किन्नेले एभरेस्टले प्रस्ताव गरेको ७० प्रतिशत बोनस पाउने हुनाले एभरेस्टको कारोबार उच्च भएको हो ।
अन्य बढी कारोबार हुने कम्पनीहरुमा बैंक अफ काठमाडौँ लुम्बिनी, सिद्दार्थ बैंक , नेपाल ेएसबीआई बैंक, एनएमबी बैंक प्रमोटर शेयर रहेका छन् ।
सोमबारको कारोबारमा बढी कमाउनेमा एनबी इन्स्योरेन्स, सम्मिट माइक्रोफाइनान्स डेभलपमेन्ट बैंक, नमस्ते वित्तीय संस्था, कर्णाली डेभलपमेन्ट बैंक, अल्पाइन डेभलपमेन्ट बैंकका लगानीकर्ता रहेका छन् ।
त्यस्तै सोमबारको कारोबारमा गुमाउनेमा पोखरा फाइनान्स, माछापुच्छ्रे बैंक, अरुण फाइनान्स, मिर्मिरे माइक्रोफाइनान्स डेभलपमेन्ट बैंक, बुटवल पावर कम्पनी रहेका छन् ।