एमालेको भातृ संगठन युवा संघ नेपालका रुपन्देहीका अध्यक्ष दुर्गा तिवारीको गोली हानी हत्या भएको छ। उनलाई रुपन्देही र नवलपरासीको सीमानामा पर्ने खैरेनीमा अज्ञात समुहले गोली प्रहार गरेको थियो ।
युवा संघ नेपालका केन्द्रीय अध्यक्ष राजीव पहारीले तिवारीको गोली हानी हत्या भएको पुष्टि गरे ।
गोली लागेपछि उनलाई देवदह मेडिकल कलेज अस्पताल पुर्याइएकोमा चिकित्सकले उनलाई मृत घोषित गरेका थिए । गोली प्रहार गर्नेको पहिचान हुन सकेको छैन।