.gif)
बिश्व फुटबलको सर्बोच्च निकाय फिफाले सन् २०१६ को अन्तिम फिफा बरियता सार्बजनिक गरेको छ । बिहिबार सार्बजनिक भएको नयाँ बरियतामा नेपाल १ सय ८१ औ स्थानमा कायम छ ।
समग्रमा सन् २०१६ नेपाली फुटबलको लागि उत्कृष्ट बर्ष सावित भएको छ । सन् २०१६ को अबधिमा नेपाल १५ स्थानले माथि उक्लेको छ ।सन् २०१६ को जनवरीमा नेपालको बरियता १ सय ९६ रहेकोमा डिसेम्बरसम्म आईपुग्दा नेपालको बरियता १५ स्थानले सुधार हुदै १ सय ८१ मा पुगेको छ ।
नेपालले सन् २०१६ मा एएफसी सोलिडारिटी कप, बङ्गबन्धु गोल्ड कप र साउथ एसियन गेम्समा स्वर्ण जित्यो ।
फिफाले आज सार्बजनिक गरेको नयाँ बरियता अनुसार दक्षिण एसियामा सबै भन्दा माथि भारत १३५ औ स्थानमा छ । अफगानिस्तान १४६ औ, माल्दिभ्स १५४ औ र भुटान १७७ औ स्थानमा छ । नेपाल भन्दा पछि बंगलादेश १८५ औ, श्रीलंका १९५ औ र पाकिस्तान १ सय ९७ औ स्थानमा छ ।
बिश्व बरियतामा भने अर्जेन्टिना शिर्ष स्थानमा कायम छ भने दोस्रो स्थानमा ब्राजिल, तेस्रोमा जर्मनी, चौथोमा चिली र पाचौमा बेल्जियम छन् । कोलम्बिया, फ्रान्स, पोर्चुगल, उरुग्वे, र स्पेन क्रमश छैठौ, सातु , आठौ , नवौ र दशौ स्थानमा छन् ।
.gif)
