.gif)
प्रमुख तीन दलका शिर्ष नेताहरु स्थानीय तहको चुनाव गर्न सहमत भएका छन् । प्रधानमन्त्री पुष्पकमल दाहाल प्रचण्डको आह्वानमा बुधबार सिंहदरबारस्थित् प्रधानमन्त्री कार्यालयमा बसेको सत्तारुढ दल नेपाली काँग्रेस, नेकपा माओवादी केन्द्र र प्रमुख प्रतिपक्षी दल नेकपा एमालेवीच भएको तीन दलको बैठकमा चुनाव गर्ने सहमति भएको हो ।
संसद अबरुद्द पार्दै आएको प्रमुख प्रतिपक्षी दल एमालेले पनि चुनावको प्रक्रिया अघि बढाउन संसदको अवरोध हटाउने बताएको छ ।
संविधान संशोधनको बिषयमा भने बैठकमा कुनै ठोस निर्णय हुन सकेन । बैठकमा सत्तारुढ दलहरु कांग्रेस र माओबादीले बिधेयकमा सहमति नभए प्रक्रियामा जाने प्रस्ताव गरेक थिए । त्यसका लागि संसदको अवरोध हटाउन एमालेलाई आग्रह गरेका थिए ।
तर एमालेले सत्तारुढ दलको प्रस्ताव अस्विकार गरेको छ । एमालेले निर्बाचनको लागि मात्र संसदको अबरोध खुलाउने अडान लिएको छ । उसले संशोधन प्रस्ताव अघि बढाए अबरोध जारी राख्ने बताएको छ ।
एमालेको अडानसंगै झन्डै एक महिनादेखि अबरुद्द संसद बैठक खुल्न अझै समय लाग्ने देखिन्छ ।
बैठकअघि नेताहरुले संविधान संसोधन विधयेक, महाअभियोग प्रस्ताव र चुनावका विषयमा प्याकेजमा छलफल हुने बताएको भए पनि त्यो सम्भव हुन् सकेन ।
.gif)
