.gif)
नेकपा एमाले निकट युवा संघ रुपन्देहीका अध्यक्ष दुर्गा तिवारीको हत्या भएको घटना सेलाउन नपाउदै संघका अर्का नेता माथि हत्या प्रयास भएको छ । युवा संघका केन्द्रीय सदस्य सन्तोष बुढाथोकीमाथि हत्या प्रयास भएको हो ।
बुढाथोकीमाथि बिहिबार राति बाँकेको कोहलपुरमा अज्ञात समूहको खुकुरी प्रहार गरेर हत्या प्रयास गरेको युवा संघले जनाएको छ । खुकुरी प्रहारबाट बुढाथोकीको घांटीमा गहिरो चोट लागेको छ भने उनको अवस्था गम्भीर छ । बुढाथोकीलाई उपचारका लागि भारतको लखनउ लगिएको युवा संघले जनाएको छ ।
युवा संघले खुकुरी प्रहार गर्नेको खोजी गरी तत्काल कारबाही गर्न सरकारसँग माग गरेको छ । साथै संघले घटनाको प्रतिकार गर्ने बताएको छ ।
.gif)
