.gif)
नेकपा एमाले सहितका प्रतिपक्षी दलले संसद अवरोधलाई जारी राख्ने भएका छन् । आज बिहान बसेको बिपक्षी दलहरुको संयुक्त बैठकले यथास्थितिमा संसद चल्न नदिने निर्णय गरेको हो । संसद्को अवरोध हटाउन सरकारले आफुहरुसंग कुनै छलफल नै नगरेको बिपक्षीको आरोप छ ।
बैठकले सर्वोच्च अदालतको आदेशमा पनि प्रदेश सभा गठन नभएसम्म सीमांकन हेरफेर गर्न नमिल्ने उल्लेख गरेकोले अहिले संसद चल्न नदिने निर्णय गरेको हो । बैठकले संशोधन विधेयक संविधानसम्वत नभएको निष्कर्ष निकाल्दै यो विधेयक कुनै पनि हालतमा अगाडि बढ्न नदिने र बल पुर्वक अघि बढाए प्रतिवाद गर्ने निर्णय भएको बैठकमा सहभागी एक नेताले बताए।
बैठकले संविधान संशोधन विधेयक बाहेक निर्वाचन सम्बन्धी विधेयक र अख्तियार प्रमुख लोकमान सिंह कार्की विरुद्ध दर्ता भएको महाअभियोग प्रस्तावलाई भने कुनै अवरोध नगर्ने निर्णय समेत गरेको छ ।
सत्तापक्ष भने आजको बैठकमा संविधान संशोधन प्रस्ताव टेबल गर्ने तयारीमा छ । आजको कार्यसुचीमा समेत यो उल्लेख छ ।
सत्तापक्ष र बिपक्षीको अडानका कारण आजको संसद बैठकमा तनाव हुन् सक्ने देखिएको छ । आजको बैठक १ बजेको लागि बोलाईएको छ ।
.gif)
