.gif)
राष्ट्रिय पुनर्निर्माण प्राधिकरणका इन्जिनियरहरुले सामूहिक राजीनामा दिएका छन् । भूकम्पपछिको पुनर्निर्माणमा खटिएका इन्जिनियरहरुले आफूहरुको सेवा सुविधा उपलब्ध गराउनुपर्ने माग सरकारले सुनुवाई नगरेको भन्दै सामूहिक राजीनामा दिएका हुन् ।
४ वर्ष अघि आजकै दिन भूकम्प गएको स्मृतिमा पुनर्निर्माणका इन्जिनियरहरुले सरकारले आफूहरुको माग सुनुवाइ नगरेको भन्दै काठमाण्डौमा पत्रकार सम्मेलन गरी सामूहिक राजीनामा दिएको जानकारी गराएका छन् ।
नौ महिनासम्म पनि सरकारले आफूहरुको माग सुनुवाई नगरेबमे भन्दै ३२ जिल्लामा पुनर्निर्माणमा खटिएका इन्निनियरहरुले राजीनामा दिएको राष्ट्रिय पुनर्निर्माण प्राधिकरण प्राविधिक राष्ट्रिय हक हित संरक्षण समितिका अध्यक्ष अविनाश अमरले जानकारी दिए ।
राजीनामा बुझाएका इन्जिनियरहरुले सरकारले आफूहरुका माग सम्बोधन गरे पुनर्निर्माणको काममा फर्कने बताएका छन् । प्राधिकरण मातहत ४ हजार इन्जिनियर कार्यरत छन् ।
.gif)
