दक्षिण एशियाली फुटबल महासंघले अण्डर– १५ महिला साफ च्याम्पियनसिप फुटबल प्रतियोगिताको खेल तालिका सार्वजनिक गरेको छ । आज सार्वजनिक गरेको खेल तालिकानुसार नेपालले आफ्नो पहिलो खेलमा पुस २ गते बंगलादेशको सामना गर्ने भएको छ ।
त्यसैगरी नेपालले आफ्नो दोस्रो खेलमा पुस ४ गते भारतको र तेस्रो तथा अन्तिम खेल पुस ६ गते भुटानसँग खेल्नेछ ।
राउण्ड रोविन लिगअनुसार हुने उक्त खेलमा शीर्ष दुई स्थान हासिल गर्ने टोलीले पुस ९ गते फाइनल खेल्नेछन् । प्रतियोगितामा नेपालसहित आयोजक बंगलादेश, भारत र भुटानका गरी चार टोलीले प्रतिस्पर्धा गर्नेछन् । च्याम्पियनसिपका सबै खेलहरु ढाकास्थित वीरश्रेष्ठ सहि सिपाही मोहम्मद मोस्ताफा कमल स्टेडियममा हुनेछ।