इन्फिनिटी लघुवित्तले निष्काशन गरेको आईपिओ बाँडफांड भएको छ। बिक्रि प्रबन्धक सिभिल क्यापिटलले बुधबार बिहान १० बजे शेयर बाँडफांड गरेको हो ।
आईपिओमा कुल ३ लाख २९ हजार ७ सय ६ जनाले आवेदन दिएकोमा ६२७ जनाको आवेदन रद भएको क्यापिटलले जनाएको छ । बाकी रहेका ३ लाख २९ हजार ७९ जना आवेदक मध्ये गोलाप्रथाबाट ६२ हजार ९ सय ९३ जनाले समान १० कित्ताको दरले शेयर पाएका छन् ।
कम्पनीले जेठ १३ देखि १६ गतेसम्म ६ करोड ७४ लाख बराबरको ६ लाख ७४ हजार कित्ता शेयर निष्काशन गरेको थियो । जस मध्ये कम्पनीको कर्मचारीलाई १० हजार ३ सय ७० कित्ता र सामुहिक लगनी कोषको लागि ३३ हजार ७ सय कित्ता सुरक्षित गरिएको छ । बाँकि रहेको ६ लाख २९ हजार ९ सय ३० कित्ताको लागि सर्वसाधारणले आवेदन दिएका हुन।
आईपिओमा ११.०३ गुणा बढी आवेदन परेको थियो। यस हिसाबमा आईपिओमा २ लाख ६६ हजार ७ सय १३ जना आवेदक हात खाली भएका छन् ।
यस माइक्रोफाइनान्स नेपाल सरकारका पूर्व सचिव, प्राध्यापक, बैंकर, इन्जिनियर तथा व्यापारीहरु प्रबद्धनमा संचालनमा आएको हो । हाल कम्पनीको चुक्ता पूँजी १४ करोड रहेको र उक्त शेयर निष्काशन पश्चात कम्पनी चूक्ता पूँजी २० करोड कायम हुनेछ भने संस्थापक शेयर स्वामित्व ७० प्रतिशत र सर्वसाधारणको शेयर स्वामित्व ३० प्रतिशत रहने छ ।
आईपिओको नतिजा केहि समयपछि बिजपाटी डट कममा प्रकाशित हुनेछ ।