रिलायन्स लाइफ इन्स्योरेन्स Reliance Life Insurance ले निष्काशन गरेको आईपिओमा आज अन्तिम दिनसम्ममा साढे ४ गुणा बढीको आवेदन परेको छ । आईपिओमा आज साँझ ५ बजेसम्ममा ६ लाख ६ हजार ३ सय ३१ आवेदकबाट २ करोड ४१ लाख ३१ हजार ८ सय ७० कित्ताको लागि आवेदन परेको छ । यो माग गरिएको भन्दा ४.२५ गुणा बढी हो ।
कुनै पनि आईपिओमा ६ लाख भन्दा बढी आवेदकले आवेदन दिएको यो नै पहिलोपटक हो । कम्पनीको आईपिओ ५ लाख ६७ हजार जना आवेदकले मात्र पाउने हुंदा झन्डै ३० हजार बढी आवेदक हातखाली हुने छन् । यद्यपि अझै पनि बैंकले हरुले आवेदन इन्ट्री गर्न सक्ने भएकोले यो संख्या केहि तलमाथि हुन सक्ने छ ।
कम्पनीमा हाल १ सय १३ जना संस्थापक लगानीकर्ता रहेका छन् । हाल कम्पनीको चुक्ता पुंजी १ अर्ब ४७ करोड रहेको छ । सर्वसाधारण्मा सेयर जारी गरेपछि कम्पनीको पूँजी २ अर्ब १० करोड रुपैयाँ पुग्नेछ ।