सुनसरीमा बिहिबार अज्ञात समुहले गोली प्रहार गरी एक जना हत्या गरेका छन् । सुनसरीको हरिनगरा गाउँपालिका–२ भुटाहामा भारतबाट आएको अज्ञात हतियारधारी समुहले बिद्यालयका शिक्षकको हत्या गरेका हुन् ।
उनीहरुले रौयान नेसनल पब्लिक स्कुल व्यवस्थापन समितिका अध्यक्ष मौलाना खुर्सिद अन्सारीको गोली हानेर हत्या गरेका हुन् । उनको टाउको र छातिमा गोली लागेको छ।
गोली हानेर भारत भाग्नेक्रममा सीमामा खटिएका प्रहरीले रोक्ने प्रयास गरेपनि उनीहरुले प्रहरी माथि नै गोली चलाएर भागेको बताईएको छ । गोली लागि प्रहरी जवान शिव पौडेल घाइते भएका छन् । उनीहरुको खोजि कार्य जारी रहेको प्रहरीले बताएको छ । गोली प्रहारको कारण बारे केही खुलेको छैन।