धरानमा एक लघुवित्त कर्मचारीमाथि गोली प्रहार गरी लाखौ रुपैयाँ लुटपाट भएको छ । आइतबार दिउँसो धरान उपमहानगरपालिका ४ स्थित जीवन विकास लघुवित्त संस्थाका कर्मचारी शम्भुप्रसाद गच्छदारलाई गोली हानेर पैसा लुटिएको प्रहरीले जनाएको छ ।
बचतकर्ताबाट पैसा उठाएर कार्यालय फर्कंदै गरेका गच्छदारलाई मोटरसाइकलमा आएका समूहले गोली प्रहार गरी पैसा लुटेका हुन् । गोली लागेका गच्छदारको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइराखेको छ ।
लुटेराले करिब ४ लाख लुटेका हुन । प्रहरीले लुटेराको खोजीकार्य जारि राखेको जनाएको छ ।
