नेपाल आयल निगमले पेट्रोलको मूल्य घटाएको छ। निगमले बुधबार राति १२ बजेदेखि लागु हुने गरी पेट्रोलमा प्रतिलिटर १ रुपैयाँ घटाएको हो ।
मूल्य घटेसंगै अब पेट्रोलको खुद्रा मूल्य प्रति लिटर १ सय १० रुपैयाँ पर्ने छ । यसअघि पेट्रोलको मूल्य १ सय ११ रुपैयाँ प्रतिलिटर थियो ।
आयल निगमले गत बुधबार पेट्रोल, डिजेल र मट्टितेलको मूल्य १ रुपैयाँ ५० पैसा वृद्धि गरेको थियो । निगमले बजेट सार्बजनिक भएको केहि घण्टा मै मूल्य बढाएको थियो । त्यस समय डिजेल र मट्टितेलको मूल्य पनि बढेको भए पनि अहिले भने पेट्रोलको मूल्य मात्र घटेको हो ।