बिश्व फुटबलको सर्बोच्च निकाय फिफाले सन् २०१७ को सेप्टेम्बर महिनाको फिफा बरियता सार्बजनिक गरेको छ । बिहिबार सार्बजनिक भएको यस महिनाको नयाँ बरियतामा नेपाल ६ स्थान तल झर्दै १ सय ७५ औ स्थानमा पुगेको छ । नेपालले यस अवधिमा १६ अंक गुमाएको छ । गत महिना नेपालको अंक ११७ रहेकोमा यस महिना नेपालको अंक १०१ मात्र भएको छ ।
छिमेकि मुलुक भारत पनि १० स्थान तल झरेको छ ।
फिफाले आज सार्बजनिक गरेको नयाँ बरियता अनुसार दक्षिण एसियामा सबै भन्दा माथि भारत १०७ औ स्थानमा छ । त्यस्तै माल्दिभ्स १५४ औ, अफगानिस्तान १५८ औ , भुटान १७४ औ स्थानमा छ । नेपाल भन्दा पछि बंगलादेश १९६ औ, श्रीलंका १९८ औ र पाकिस्तान २०० औ स्थानमा छ ।
बिश्व बरियतामा भने ब्राजिललाई दोस्रो स्थानमा धकेल्दै जर्मनी शिर्ष स्थानमा उक्लिएको छ । त्यस्तै तेस्रोमा पोर्चुगल , चौथोमा अर्जेन्टिना र पाचौमा बेल्जियम छन् । पोल्याण्ड , स्विजरल्याण्ड , फ्रान्स , चिली र कोलम्बिया क्रमश छैठौ, सातौ, आठौ , नवौ र दशौ स्थानमा छन् ।
पुरा बरियता हेर्न यहाँ क्लिक गर्नु होला ।
