नेपालले एएफसी एसियन कप छनौट खेल्ने अवसर पाएको छ। प्रतियोगिताको लागि यसअघि नै छनौट भएको ग्आमले प्रतियोगितामा भाग नलिने निर्णय गरेपछि नेपालले यो सुनौलो अवसर पाएको हो । एसियन फुटबलको सर्वोच्च संस्था एसियाली फुटबल महासंघले एन्फालाई पत्राचार गर्दै सहभागिताबारे जानकारी गराएको हो ।
नेपाल एएफसी सोलिडारिटी कपमा उत्कृष्ट प्रदर्शन गरेपछि नेपालले यो अवसर पाएको हो । छनौट खेलको तालिका आगामी जनवरी २३ मा सार्बजनिक हुनेछ।
छनौट प्रतियोगीतामा २४ टोलीले सहभागिता जनाउने छन् । २४ टोलीलाई ६ समूहमा विभाजन गरिनेछ। हरेक समूहको शीर्ष दुई स्थानमा रहने टोली एसियन कपका लागि छनोट हुनेछन्।
नेपालको समुहमा मलेशिया, सिंगापुर, कुवेत , कम्बोडिया र भुटान छन् । हाल कुवेतलाई एएफसीले निलम्बन गरेको छ । उक्त निलम्बन जनवरी १७ , २०१७ सम्म जारी रहे कुवेतले प्रतियोगिता खेल्न पाउने छैन । त्यसो भएमा नेपालको समुहमा ५ टोली मात्र रहने छन्।
सन् २०१९ मा युएईमा हुने एसियन कपमा छनौट भएका १२ टोलीले सहभागिता जनाउने छन् ।